गावातील जलव्यवस्था
खरवते गावात एकूण ९ वाड्या आहेत. त्यापैकी गावठणवाडी, कोंडवाडी, वाणीवाडी, बौद्धवाडी, कोष्टीवाडी, गुरववाडी या ६ वाड्यांमध्ये प्रत्येकाच्या वैयक्तिक विहिरी आहेत. हेदाडवाडी, माटलवाडी, मधलीवाडी या ३ वाड्यांना एकाच सार्वजनिक विहीरीवरून पाणीपुरवठा होतो. यासाठी माटलवाडी मध्ये ३०,००० लीटर क्षमतेची साठवण टाकी आहे.
जलसंधारणासाठी गावात ग्रामस्थांनी ओढ्यांवर बंधारे बांधले आहेत. तसेच गावात काही पारंपरिक तळी, झरे, असे जलस्रोत आहेत.
हेदाडवाडी, माटलवाडी आणि मधलीवाडी या ३ वाड्यांना या विहीरीतून पाणीपुरवठा होतो. या ३ वाड्यांमधील सुमारे १५० कुटुंबे व सुमारे ५०० एवढ्या लोकसंख्येला पाणीपुरवठा होतो.
बंधारे
पारंपरिक पाणवठ्याच्या जागा
गावठणवाडी येथील श्री जांगलदेव देवस्थानाच्या परिसरातील तळी. या तळीमध्ये जवळच्याच झऱ्यामधून पाणी येते व ते वर्षभर असते. या तळीतील पाणी पिण्यासाठी तसेच धार्मिक कार्यांसाठी वापरले जाते.
खरवते गावातील कोंडवाडी येथील ब्राह्मणदेव झरा. हा बारमाही झरा श्री ब्राह्मणदेव देवस्थान परिसरात आहे. गुरांना पाणी पिण्यासाठी या झऱ्याचा उपयोग होतो.
खरवते येथील या वहाळात बारमाही झऱ्यातून पाणी येते. या जागेला “पाडली सखल” असे स्थानिक नाव आहे. गुरे पाणी पिण्यासाठी या वहाळावर जातात.
नवीन योजना
जल जीवन मिशन योजने अंतर्गत मधलीवाडी येथे १४ हजार लीटर क्षमतेची टाकी व गुरव वाडी येथे नवीन विहीर बांधण्यात आली आहे. ही योजना प्रामुख्याने मधलीवाडी येथे पाणीपुरवठा करण्यासाठी आहे.
माझी वसुंधरा अभियान अंतर्गत वाणीवाडी मध्ये वाण्याची कोंड येथे १७/१२/२०२४ रोजी ग्रामस्थांच्या श्रमदानातून बांधलेला बंधारा.
शुभेच्छुक...
