श्री गांगोदेव मंदिर

श्री गांगोदेव हे खरवते गावाचे ग्रामदैवत आहे. हे मंदिर खरवते गावातील गावठण वाडीमध्ये वसलेले आहे. कोचरे कुटुंबाचे पूर्वज कोंढेतडहून खरवते मध्ये येतानाच श्री गांगोदेवाचे रूप घेऊन आले. जुने श्री गांगोदेवाचे मंदिर हे कोष्टीवाडी मध्ये होते. तेथून मुघल आक्रमणापासून देऊळ वाचवण्यासाठी ते गावठणवाडीत हलविण्यात आले. २०२० च्या डिसेंबर मध्ये या देवळाचा जीर्णोद्धार करण्यात आला. श्री गांगोदेवाच्या मूर्तीच्या एका हातात ढाल व दुसऱ्या हातात तलवार धरलेली आपल्याला दिसते. श्री गांगोदेवाच्या मंदिरात पावणाई देवीची मूर्ती देखील आहे. देवस्थानाच्या परिसरात देवराई आहे. येथे शिमगोत्सव आणि नवरात्रोत्सव हे दोन सण मोठ्या प्रमाणात साजरे केले जातात. देवस्थानाच्या परिसरात पुरातन वृक्ष आढळतात. येथे नवरात्रोत्सव  साजरा केला जातो.